Subscribe

RSS Feed (xml)

Powered by Blogger

Thursday, June 2, 2011

മലയാളം വിക്കിപ്രവർത്തകരുടെ സംഗമം 2011 – പത്രക്കുറിപ്പ്

 

വിക്കിമീഡിയ ഫൗണ്ടേഷന്റെ വിവിധ മലയാളം വിക്കിസംരംഭങ്ങളിലെ സന്നദ്ധ സേവകരുടെ ‘വിക്കിപ്രവര്‍ത്തകസംഗമം 2011’ ജൂണ്‍ 11 ശനിയാഴ്ച രാവിലെ 10 മണി മുതല്‍ മുതല്‍ 5 മണി വരെ കണ്ണൂര്‍ ജില്ലാ ലൈബ്രറി കൗണ്‍സില്‍ ഹാളില്‍ വച്ച് സംഘടിപ്പിക്കുന്നു. ചടങ്ങ് ജൂണ്‍ 11-നു് രാവിലെ പത്തു മണിക്ക് കേരള സര്‍വ്വകലാശാലയുടെ മുന്‍ വൈസ് ചാന്‍സലറും, സാമൂഹ്യ പ്രവര്‍ത്തകനുമായ ബി.ഇക്ബാല്‍ ഉദ്ഘാടനം ചെയ്യും. മലയാളം വിക്കിപ്രവര്‍ത്തകര്‍ സംഘടിപ്പിക്കുന്ന നാലാമത്തെ വിക്കി സംഗമമാണിത്.
കണ്ണൂര്‍ ജില്ലാ ലൈബ്രറി കൗണ്‍സില്‍, കേരള ശാസ്ത്ര സാഹിത്യ പരിഷത്ത് കണ്ണൂര്‍ ജില്ലാഘടകം, മലയാളം വിക്കിപദ്ധതികളുടെ പ്രവര്‍ത്തനത്തില്‍ തല്‍‌പരരായ വിവിധ സന്നദ്ധസംഘടനകള്‍ തുടങ്ങിയവയുടെ സഹകരണത്തോടെയാണ്‌ ഇപ്രാവശ്യത്തെ മലയാളം വിക്കിസംഗമം സംഘടിപ്പിക്കുന്നത്. സജീവമലയാളം വിക്കിപ്രവര്‍ത്തകര്‍ക്കു പുറമേ വിക്കിമീഡിയ ഫൗണ്ടേഷനെ പ്രതിനിധീകരിച്ച് ടോറി റീഡ്, ബിശാഖ ദത്ത, ഹിഷാം മുണ്ടോല്‍ എന്നിവര്‍ പങ്കെടുക്കുന്നു എന്നതാണ് ഇത്തവണത്തെ സംഗമത്തിന്റെ പ്രത്യേകത. പരിപാടിയുടെ വിശദാംശങ്ങള്‍ താഴെ:
പരിപാടി
മലയാളം വിക്കിപ്രവര്‍ത്തകസംഗമം 2011
സമയം
രാവിലെ 10.00 മണി മുതല്‍ വൈകുന്നേരം 5:00 മണി വരെ
ആര്‍ക്കൊക്കെ പങ്കെടുക്കാം?
വിക്കിമീഡിയ ഫൗണ്ടേഷന്റെ വിക്കി സംരംഭങ്ങളില്‍ പ്രവര്‍ത്തിച്ചു പരിചയമുള്ള ആര്‍ക്കും പങ്കെടുക്കാം.
കാര്യപരിപാടികള്‍
മലയാളം വിക്കിസംരംഭങ്ങളുടെ പ്രവര്‍ത്തന റിപ്പോര്‍ട്ട്, മലയാളം വിക്കിഗ്രന്ഥശാലയിലെ തിരഞ്ഞെടുത്ത ഗ്രന്ഥങ്ങള്‍ ഉള്‍ക്കൊള്ളുന്ന സി.ഡി.യുടെ പ്രകാശനം, മലയാളത്തിലുള്ള വിക്കിസംരംഭങ്ങളുടെ പ്രസക്തിയെ കുറിച്ചുള്ള സെമിനാര്‍, പത്രസമ്മേളനം.
സ്ഥലം
ജില്ലാ ലൈബ്രറി കൗണ്‍സില്‍ ഹാള്‍, കാല്‍ടെക്സ് , കണ്ണൂര്‍ - 2
എത്തിച്ചേരാനുള്ള വഴി
കണ്ണൂര്‍ നഗരത്തിലെ കാല്‍ടെക്സ് ജംഗ്‌ഷനു സമീപത്തുള്ള ഇന്ത്യന്‍ കോഫീ ഹൗസിനു തൊട്ടടുത്താണ് കണ്ണൂര്‍ ജില്ലാ ലൈബ്രറി കൗണ്‍സിലിന്റെ കെട്ടിടം സ്ഥിതി ചെയ്യുന്നത്.
രജിസ്‌ട്രേഷന്‍
പരിപാടിക്ക് രജിസ്റ്റര്‍ ചെയ്യാന്‍ help@mlwiki.in എന്ന വിലാസത്തിലേക്കു് ഇമെയില്‍ അയക്കുകയോ, 9747555818, 9446296081 എന്നീ നമ്പറുകളില്‍ ഒന്നില്‍ വിളിക്കുകയോ ചെയ്തു് പങ്കെടുക്കാനുള്ള താങ്കളുടെ താല്പര്യം അറിയിക്കുക.
വിക്കിമീഡിയ ഫൗണ്ടേഷന്റെ വിക്കി സംരംഭങ്ങളില്‍ പ്രവര്‍ത്തിക്കുന്ന എല്ലാവരേയും പരിപാടിയിലേക്ക് ക്ഷണിക്കുന്നു.
മലയാളം വിക്കിപ്രവര്‍ത്തകര്‍
2011 ജൂണ്‍ 2

---------------------------------------------
 ഞാന്‍ പങ്കെടുക്കുന്നുണ്ട് !! നിങ്ങളോ‌ ?


Share this post :

1 comment: